O realizador brasileiro amósanos a realidade cotiá dun grupo de persoas residentes nun mastodonte arquitectónico como é o Edifício Master, un inmoble de dimensións colosais sito ao carón da praia de Copacabana que alberga, dende hai máis de 50 anos, unha morea de personaxes que reflicten fielmente a evolución social experimentada pola clase media-baixa brasileira do último século.
