Teatro do Noroeste
Na escura España da posguerra dous seres marxinados esfórzanse por atopar a felicidade. Un expulsado e perseguido profesor experto en poesía francesa e unha prostituta coinciden nunha sórdida pensión da Coruña, nos anos corenta, en plena época de represión e asasinatos. A pesar das aparentes diferenzas que os separan, aférranse un ao outro como a única táboa de salvación no inmenso océano da soidade. Entre os dous formarán un tándem pletórico de inspiración e creatividade, xerando as voces poéticas máis excelsas das seguintes dúas décadas...
Palabras Malditas é un espectáculo sobre a amizade ou, se cadra, sobre o amor máis alá das circunstancias, das persoais e das conxunturas, máis alá da propia natureza ou do momento histórico que toque vivir.
Palabras Malditas foi accésit do premio Lope de Vega de textos teatrais en 2014, que convoca o concello de Madrid.
VENDA DE ENTRADAS
anticipadas ata esgotar localidades en ataquilla.com
DE NON ESGOTARSE, venda de entradas na billeteira do teatro desde 1 hora antes.
Venda anticipada en www.ataquilla.com | Prezo por función 8,00 € - Estudantes, parados e xubilados 4,00 €