Data: 13/08/2016
Hora: 10 h.
O vindeiro sábado, a ruta será polo segundo tramo do Sendeiro do Litoral, é dicir desde a praia de Beluso ata Cabo Udra. A andaina sairá ás 10 da mañá desde Beluso e nela explicarase a fauna e flora das praias do Concello, ademais das grandes conserveiras, a fábrica de salgadura de Mourisca, o espazo da Rede Natura de Cabo Udra, as antigas baterías militares, ademais do Castro de Udra.
Por outra banda, e por terceiro ano consecutivo, ponse en marcha o 18 de agosto o III Concurso de Castelos de Area, no que poderán participar nenos e nenas entre 6 e 14 anos ata un máximo de 30. A actividade terá lugar entre as 17 e as 18.30 horas.
As inscricións para estas actividades debe facerse na Oficina de Turismo, a través do correo turismo@concellodebueu.org ou chamando ao teléfono 986 32 44 57.
