Salón del Libro infantil y juvenil 2017 de Pontevedra: O mundo que queremos.
O lema, lonxe de ser unha utopía, pretende aunar aportacións reais, tanxibles e factibles para construir ese mundo mellor. Queremos englobar temas como o coidado do medio ambiente, a saúde, a integración e a igualdade, cuestións como accesibilidade e a mobilidade, o respecto , a inmigración ou a vellez, a solidariedade, a investigación en todos os seus ámbitos, etc.
Tendemos a idealizar as accións para conseguir o mundo que queremos sen plantexarnos que ese cambio empeza en nós, individual e colectivamente, na nosa actitude, no xeito de tratar aos demais e ao noso entorno, de investir esforzos en buscar solucións aos problemas ou á realidade, aportando o mellor de nós mesmos e dos nosos coñecementos, na medida que formamos parte da sociedade na que vivimos.
Todas esas accións que podemos levar a cabo a diario, son as que busca “O mundo que queremos”.
HORARIO
De luns a venres: De 17:00 a 20:00 h.
Os sábados, domingos e festivos: De 11:00 a 14:00 e de 17:00 a 20:00 h
As exposicións e instalacións permanecerán abertas ao público xeral ata o 2 de abril de 2017
PROGRAMA COMPLETO
Programa del Ciclo de cine O mundo que queremos. Del 11 al 19 de marzo de 2017. +INFO
VENRES 10 de marzo de 2017
18:00h. Xoga / Entremáns
Espectáculo de danza para a rapazada e o público familiar.
Recomendado pola Comisión Nacional de Danza da Rede Nacional de Teatros e Auditorios. Formou parte do Catálogo Danza a Escena 2016.
Xoga é unha peza na que poderás descubrir como es e saber de que estás feito. Trátase dun encontro didáctico que conxuga espazo escénico, audiovisual, música e danza. Diversión, unión e espectáculo. Unha viaxe desde a imaxinación ao coñecemento.
19:00h. Inauguración oficial do XVIII Salón do Libro Auditorio do Pazo da Cultura
19:30h. Presentación do libro “Escaquis e Romeu”Con Antonio Manuel Fraga e Jacobo F. S.
19:30h. Contacontos: Contos que deixan pegada / Pavís Pavós.
Sesión de contos tradicionais e de autor que nos farán reflexionar sobre o mundo que queremos, e que deixarán unha pegada en quen os escoite. Baséase na palabra, contando nalgún caso co apoio do libro.
19:30h. Contacontos: Un mundo cheo de contos / Bea Campos e Davide González.
Divertida sesión na que se integran música en directo, literatura infantil e expresión dramática. Un mundo de sementes máxicas, árbores xenerosas e nenas curiosas. Un espazo onde gozar en familia de historias para coidar da terra e das persoas que habitan nela.
19:30h. Contacontos: Unha porta á prehistoria / Unidade de Cultura Ciéntifica CSIC Galicia.
Imaxinade que Escaquis abre unha porta á prehistoria. Dentro todo é moi diferente e xusto diante deles hai unha nena buscando unha cunca. Os/as asistentes a este contacontos terán que acompañar a cativa durante o proceso de fabricación dunha nova e aprenderán como era a vida hai 6.000 anos.
SÁBADO 11 de marzo de 2017
11:00h. Construíndo un mundo mellor / Román Corbato, arquitecto e artista.
Durante todo o Salón iremos construíndo un muro de caixas de cartón –aplicando coñecementos básicos de arquitectura e construción-, sobre o que escribiremos e debuxaremos os nosos desexos -empregando distintas técnicas de arte urbano- para construír o mellor mundo posible.
11:30h. Palabras para un mundo mellor / Van Divulgación Cultural.
Paz, lixo, amor, liberdade, guerra… son palabras que empregamos cada día e que describen distintas realidades. Axúdanos a atopar aquelas que falan do mundo que queremos nun divertido xogo para toda a familia.
11:30h. Obradoiro: Escaquis e Romeu atrapados / Ceo Aberto.
Oh oh… quedamos atrapados no conto de Escaquis e Romeu. Axúdasnos a saír? Os/as participantes na actividade vivirán unha pequena aventura inspirada nas que experimentan Escaquis e Romeu. A través de enigmas e xogos irán atopando pistas (chaves ocultas, mensaxes…) que lles permitirán axudarnos a fuxir do interior do conto grazas á colaboración e ao traballo en equipo.
12:30h. Obradoiro: As luces da miña cidade / Ceo Aberto.
A actividade ten como finalidade aproximar aos/ás participantes a importancia da sostenibilidade enerxética. Para iso, imos construír unha cidade con plastilina condutiva. Este material permite que os nosos edificios incorporen luces e elementos eléctricos simplemente poñéndoos en contacto coa plastilina. Así, de forma casi máxica, aprenderemos sobre a luz e as cidades mentres xogamos.
11:30, 13:00, e 18:00h. Teatro: Redondo / Caramuxo Teatro.
Espectáculo para a primeira infancia que xoga coas formas. A Mr. Round fascínanlle todos aqueles obxectos redondos, os máis curiosos obxectos con forma de circunferencia. Un día, na súa incesante procura atopará unha asombrosa esfera que agocha historias sorprendentes. Unha proposta visual, case sen palabras, para gozar en familia.
12:00h. Cine: Pompoko (1994). Duración: 114 min / Proxección a cargo do Cineclube Pontevedra.
Os mapaches viven felices nos montes: a comida abonda, a auga é clara, a convivencia coa humanidade, que os venera, é boa. Pero Tokio medra, os humanos precisan máis casas e o hábitat dos mapaches corre perigo. Fai falla un plan para frear o avance da humanidade!
12:00h. Contacontos: Bailar nas nubes / Sole Felloza.
“Unha maña a casa de Mariña, está máis lonxe do chan e máis preto do ceo. De veciñas cantareiras de cores estrañas, mariñeiros intrépidos, facedores de papaventos, irmáns rebuldeiros, osos irados e mil cousas máis van os contos que despois de escoitar farán que ti tamén bailes nas nubes”.
17:30h. Obradoiro: Somos diferentes, somos iguais / Van Divulgación Cultural
E se a túa familia fose outra? Xoga a convertirte nunha persoa con nacionalidade, raza, xénero, idioma,… diferentes e comproba como, aínda que todo parece cambiar, a túa familia segue a ser a mesma.
17:30h. Obradoiro: Viaxe ao mundo que queremos / Susana Suniaga.
Taller plástico que propón a invención dun medio de transporte por terra, mar ou aire que ilustre a través do debuxo como seria a súa viaxe, que cousas levarían, que destino escollerían… As migracións forman parte do noso día a día e este obradoiro propón achegarse a estas viaxes cunha mirada artística.
18:00h. Cine: O teito do mundo (2015). Rémi Chayé, Francia. 81” / Proxección a cargo do Cineclube Pontevedra.
1882. San Petersburgo. Sasha é unha mociña aristócrata rusa fascinada pola vida de aventuras do seu avó Olukin, explorador famoso que fixo construír o Davai, un magnífico barco que nunca regresou da súa derradeira expedición ao Polo Norte.
18:00h. Representación do conto: “Clara e o rapto do solpor”. / Hércules de Ediciones.
José Julio Fernández Rodríguez (autor do libro) fará de narrador e María Carrera (actriz) interpretará os personaxes. De fondo, proxectaremos as ilustracións do libro, que enmarcarán cada escena que representemos.
18:30h. Obradoiro: Marcopola Power / Jacobo F S. Editorial Xerais.
Taller de banda deseñada arredor dos personaxes de “Marcopola a illa remeira”.
18:30h. Música: Tic Tac Toc / Pablo Díaz e a Banda Tic Tac Toc
Unha festa musical de rock, folk, pop, etc… onde cantaremos os temas do novo traballo e os hits de Tic Tac e Toc Toc.
DOMINGO 12 de marzo de 2017
11:30 e 17:30h. Obradoiro: Pontevedra interactiva / Mr Xestión Cultural
Teremos un photocall interactivo de Pontevedra, e a nosa misión é completalo cos elementos que cremos importantes na nosa cidade.
11:30h. Obradoiro: A bolsa ou a vida / Asociación Asseii
Búscase concienciar a rapazada para que coñezan que existen persoas que levan bolsas de ostomía, dito na súa linguaxe, que levan bolsas onde poden facer pipí ou caca, xa que a súa tripa está rota. Pintaremos coa nosa imaxinación as bolsas que logo devolveremos aos/ás seus donos/as para que as poñan, dando un toque de cor á súa vida.
11:30h. Obradoiro: Cando as palabras soan coas mans / Verónica Moreira, especialista en linguaxe de signos Nova Xestión Cultural.
Aprende a falar coas mans! Introdución á linguaxe de signos cun formato dinámico e entretido.
12:00h. Cine: Neve e as árbores máxicas(2014). Duración: 51 min
Catro contos inesquecibles que xiran arredor do medio ambiente e as árbores, en cuxos mundos, poboados por entrañables personaxes, hai un lugar para o enxeño, a
amizade, o respecto e a alegría de convivir coa natureza.
12:00h. Contacontos: As historias de Kamishibai / Juste Kamishibai, papel e teatro
Espectáculo que mestura o mundo máxico do teatro de papel e luz tradicional xaponés con despregabres pop-up. Historias da natureza, da amizade, de baleas e fotógrafos aventureiros, de insectos de diferentes cores e de lendas cósmicas. Todo ten cabida no mundo dos soños do Kamishibai.
12:00h. Música/danza: Entroidanzas / Pesdelán
Bailaremos cos folións de Ourense, seremos demos das rúas de Lima, andaremos como os corcovados do centro de Italia, moveremos os coloridos paraugas do Frevo de Pernambuco… En definitiva, gozaremos co espírito do Entroido, así que só nos resta pedirvos que vos animedes a bailar con nós en calquera momento do ano, porque para Pesdelán todo o ano é Entroido!
12:30h. Obradoiro: Descobre o Salón en cadeira de rodas / Francisco Javier carreira Roca e Victoria Romero Pazos (Nova Xestión Cultural)
Un percorrido polo Pazo da Cultura en cadeira de rodas, coa finalidade de descubrir que é a accesibilidade e sensibilizar os/as asistentes sobre a situación das persoas que viven con mobilidade reducida.
13:00h. Sinatura de libros de Ledicia Costas. Cos ilustradores: Andrés Meixide, Óscar Villán e Víctor Rivas
17:30h. Obradoiro: (Re) imaxina Escaquis e Romeu / Antonio Manuel Fraga
Reescribiremos a historia de Escaquis e Romeu a partir dos personaxes (ou das ilustracións de Jacobo Fernández Serrano), xogando coas descricións, os diálogos, a narración…
17:30h. Obradoiro: Pintando prantas / Ana Seoane
Taller sensorial con pintura para bebés, coa que xogarán e debuxarán unha pranta.
18:00h. Cine: Brave (2012). Duración: 90 min / Proxección a cargo do Cineclube Pontevedra
A princesa Mérida é unha hábil arqueira con ansias de vivir as aventuras que lle escoita ao seu pai, o rei Fergus. Por iso, facéndolle fronte ao destino e aos costumes do seu tempo, emprenderá unha longa viaxe na procura do seu soño.
18:00h. Contacontos: Vén a conto / Raquel Queizás
Conto se chama esa vila na que eu moro, onde os paxaros libro me contan historias para vencer a soidade, para resolver conflitos de forma positiva, para gañar amigos e perder inimigos. Todas e todos merecemos unha oportunidade para ser mellores.
18:30h. Obradoiro: As portas de Escaquis / Jacobo F.S.
Coa axuda de Escaquis e dos nosos debuxos abriremos as portas ao mundo que queremos.
18:30h. Música: Son Xunqueira / Coro e orquestra nenos no Jazz do IES A Xunqueira I
Presentación do 3º traballo discográfico do coro e orquestra Nenos no Jazz do IES A Xunqueira I de Pontevedra, cos poemas de Lucía Novas.
LUNS 13 de marzo de 2017
17:30h. Obradoiro:Familias globais. Da foto 360 a memoria / Ceo Aberto
Hoxe en día a tecnoloxía avanza a un ritmo vertixinoso. E ademais, cada vez é máis sinxelo aprender a utilizala. Trae o teu móbil e ensinarémosche a crear imaxes de 360º, a visualizalas en 3D e engadirlles música e información. Crea momentos máxicos e recordos inesquecibles. Non se precisa ningún coñecemento previo.
18:00h. Contacontos: Vén a conto / Raquel Queizás
Conto se chama esa vila na que eu moro, onde os paxaros libro me contan historias para vencer a soidade, para resolver conflitos de forma positiva, para gañar amigos e perder inimigos. Todas e todos merecemos unha oportunidade para ser mellores.
MARTES 14 de marzo de 2017
17:30h. Obradoiro: Fogares de Cartón / Colectivo Os Ninguéns – Nova Xestión Cultural
Construción de casas de cartón mentres se debate sobre a vida das persoas sen fogar e se ubican nun mapa de Pontevedra. Que farías ti? Como cres que chegaron ata esa situación? Onde viven?
18:30h. Contacontos: Maleta Vella, Mundo Novo / Brais das Hortas
A historia dunha neta e un avó e os soños que este gardou nunha maleta. Contos de vacas que están de parto, de osos que non meten tanto medo, do longo camiño ata chegar ao lume. Todo con música en directo con frautas, percusión de refugallo e outros instrumentos feitos con elementos cotiás.
MÉRCORES 15 de marzo de 2017
17:30h. Obradoiro: Palabras para un mundo mellor / Van Divulgación Cultural
Paz, lixo, amor, liberdade, guerra… son palabras que empregamos cada día e que describen distintas realidades. Axúdanos a atopar aquelas que falan do mundo que queremos nun divertido xogo para toda a familia.
18:00h. Contacontos: Viaxe a África / Trinke Trinke
A Gran Lilí Gruyère, acaba de chegar dunha viaxe por África. Vainos contar e cantar anécdotas, xeitos de vida, contos e cancións dos dous grupos culturais e xeográficos principais deste continente.
18:30h. Teatro: Lost dog… perro perdido / Cal y Canto Teatro
PREMIO FETEN 2017 ao mellor espectáculo en espazo non
convencional. Construída cos materiais que abundan en calquera suburbio, a chabola de Lost Dog permite ao público adentrarse nese ambiente. Un espectáculo de títeres e obxectos onde os pés e zapatos dos actores operan como os suxerentes condutores dunha emocionante historia. Unha perspectiva sorprendente para o público: o mundo visto cos ollos dun can.
XOVES 16 de marzo de 2017
17:30h. Obradoiro: Escaquis e Romeu atrapados / Ceo Aberto
Oh oh… quedamos atrapados no conto de Escaquis e Romeu. Axúdasnos a saír? Os participantes na actividade participarán nunha pequena aventura inspirada nas que viven Escaquis e Romeu. A través de enigmas e xogos irán atopando pistas (chaves ocultas, mensaxes…) que lles permitirán axudarnos a escapar do interior do conto grazas a colaboración e o traballo en equipo.
18:00h. Contacontos: Diversidade sen barreiras / Charo Pita
Historias que falan da diferenza poñéndoa en valor. Contos onde a cegueira, unha cadeira de rodas ou a vellez non son barreiras, senón que forman parte da vida cotiá e se integran naturalmente no discorrer dos días potenciando a imaxinación e a maneira de mirar, recrear e inventar este e todos os mundos posibles.
VENRES 17 de marzo de 2017
17:30h. Obradoiro:Con que queres encher a túa cabeza / Mr Xestión Cultural
Reflexionaremos sobre que é o que queremos ter na nosa cabeza. O resultado será un sombreiro conceptual que construiremos facendo papiroflexia.
17.30h. Contacontos: A Viaxe / Baby Band de Cornelia Craft
Conto musicado baseado no orixinal de Francesca Sanna. Fermosa historia de intriga na que unha nai converte, para o seu fillo, a súa triste e perigosa fuxida da guerra, nunha historia chea de maxia e ilusión, cunha mensaxe de solidariedade, integración, respecto e igualdade.
18:30h. Teatro: Rúa Aire / El Retrete de Dorian Gray
Uns globos teimosos en vivir nun mundo de duchas accidentadas, tesoiras malvadas e bombíns con patas…Un espectáculo sen texto contado por un grupo de globos que cobran vida.
19:00h. Presentación do álbum “Elisa no mundo das marabillas” / Con Concepción Somoza, xerente de APAMP, Cedra Alcaraz, responsable do proxecto, Sara Rivas, membro do equipo creador e Francisco Castro, director xeral de GALAXIA. Álbum ilustrado por persoas con parálise cerebral. Elisa era unha muller alegre, de mirada intensa e cabelos castaños. Era fermosa, pero non o sabía. Elisa movíase nunha cadeira de rodas e tiña parálise cerebral.
SÁBADO 18 de marzo de 2017
11:00h. Construíndo un mundo mellor / Román Corbato, arquitecto e artista
Durante todo o Salón iremos construíndo un muro de caixas de cartón -aplicando coñecementos básicos de arquitectura e construción-, sobre o que escribiremos e debuxaremos os nosos desexos -empregando distintas técnicas de arte urbano- para construír o mellor mundo posible.
11:00 e 17:00h. Obradoiro: Libro Xigante / Víctor Rivas ( Shaggy Dragon Design)
Participantes e ilustradores elaborarán xuntos un libro xigante cheo das historias e debuxos que se crearán durante o taller e que estarán expostas durante todo o Salón.
11:00 e 17:00h. Obradoiro: A arca das tres chaves / Tegra A. Gómez Pino
Elaboraremos un cofre con material de refugallo e tres chaves.
11:30, 13:00 e 18:00h. Música: Crassh Babies / We Tum Tum
Crassh é unha combinación única de percusión, movemento e comedia visual, con diferentes sonoridades, e a partir de obxectos reciclados, que sirve para estimular os sentidos das crianzas e proporcionar momentos únicos. Será unha viaxe polo mundo CRASSH, onde a diversión está garantida.
12:00h. Contacontos: Contos sen fronteiras / Nate Borrajo
As palabras, os personaxes e as historias non coñecen fronteiras e non hai muros que as freen! Que pasaría se Carapuchiña non puidese ir á casa da súa avoa porque non pode pasar? Contos diferentes, con personaxes diferentes que nos fan iguais.
12:00h. Cine: WALL·E (2008). Duración: 103 min / Proxección a cargo do Cineclube Pontevedra
Ano 2800. Unha Terra devastada e sen vida. Tras centos de solitarios anos limpando o lixo do planeta, WALL·E atópase con Eve, unha moderna robot exploradora con quen vivirá unha emocionante aventura ao longo da galaxia.
18:00h. Contacontos: A bolboreta Roseta / Fedellas (Agrupación de teatro de Pontevedra)
Un contacontos moi tolo no que todos/as os/as presentes van participar, divertirse, cantar e rir a esgalla.
18:00h. Cine: Zootrópolis (2016) Duración: 108 min / Proxección a cargo do Cineclube Pontevedra
Cando a optimista Judy Hopps pon un pé en Zootrópolis, descobre que ser unha coelliña nun corpo de policía cheo de temibles animais non é doado. Decidida a mostrar a súa valía, lánzase a resolver un caso, aínda que isto implique traballar cun raposo lingoreteiro coma Nick Wilde.
18:30h. Obradoiro ciencia-arte:Construíndo o mundo que queremos / UCC CSIC Galicia
A sobrepesca, os lumes e a desaparición das especies son algúns dos problemas medio-ambientais que temos ao redor de nós. Gustaríavos cambiar estas situacións? Os/as participantes neste obradoiro de ciencia e arte, elaborarán o seu propio caderno de campo co mundo que queremos. Animádevos, xuntos podemos cambiar as cousas!
18:30h. Música: Canta connosco! / Migallas Teatro
Espectáculo de música e teatro baseado no libro-disco- DVD do mesmo nome editado por Kalandraka. Os temas que se tratan, entre outros son: a lectura e os xogos tradicionais fronte ao exceso de TV e de videoxogos; o fomento do galego; a relación entre os avós e avoas e os/as netos/as; a igualdade etc.
19:00h. Encontro: Máis aló do azul e do rosa / Ana Torres Jack. Editorial Galaxia
Nesta charla, a autora, ofreceranos dunha maneira sinxela e moi clara algunhas estratexias concretas para previr a desigualdade de xénero e a violencia machista desde a familia.
DOMINGO 19 de marzo de 2017
11:00 e 17:00h. Obradoiro: A arca das tres chaves / Tegra A. Gómez Pino
Elaboraremos un cofre con material de refugallo e tres chaves.
11:30h. Obradoiro: Investigamos? / Ceo Aberto
Escaquis non se atopa do todo ben e non sabemos que lle pasou. Só que hai algo que tocou ou comeu que lle afecta. Axúdasnos a curalo? Como investigadores que somos, imos
pescudar seguindo o método científico. Para determinar que pasou faremos cromatografías de doces, estudaremos imaxes microscópicas e analizaremos os restos do seu almorzo en busca de datos que nos permitan axudar ao noso amigo.
12:00h. Cine: O Principiño (2015) Duración: 106 min / Proxección a cargo do Cineclube Pontevedra
Adaptación animada da obra mestra de Saint-Exupéry. Unha nena que está a ser preparada pola súa esixente nai para vivir no mundo adulto faise amiga do seu veciño, un excéntrico e
ancián aviador que lle vai revelar un mundo extraordinario, onde todo é posible…
12:00h. Contacontos: A cada paso contos / Celso Fernández Sanmartín
Como na memoria gardamos todo o que nos importa, contamos sempre o que nos importa, porque non o esquecemos
12:30h. Obradoiro: As luces da miña cidade / Ceo Aberto
A actividade ten como finalidade aproximar aos máis novos a importancia da sostenibilidade enerxética. Para elo, imos construír unha cidade con plastilina condutiva. Este material permite que os nosos edificios incorporen luces e elementos eléctricos simplemente poñéndoos en contacto coa plastilina. Así, de forma casi máxica, aprenderemos sobre a luz e as cidades mentres xogamos.
12:30h. Sinatura de libros de Luis Davila
17:00h. Obradoiro: Construíndo o mundo que queremos en familia / TheMomento Impro
Taller de improvisación teatral e creación de contos para familias + minishow de impro teatral participativo sobre o tema do Salón. Non só lemos, vemos e escoitamos historias, nós tamén podemos crealas, en familia!
17:30h. Teatro: Ne me quitte pas / El Retrete de Dorian Gray
É a historia dun grande cantante, que nace ante os espectadores coma por arte de flop! Canta unha canción, emociónase e canta ao desamor. Esquece unha cousa moi importante, e unha luz marcha e todo pasa nun momentiño de nada.
18:00h. Contacontos: Diversidade sen barreiras / Charo Pita
Historias que falan da diferenza poñéndoa en valor. Contos onde a cegueira, unha cadeira de rodas ou a vellez non son barreiras senón que forman parte da vida cotiá e se integran naturalmente no decorrer dos días potenciando a imaxinación e a maneira de mirar, recrear e inventar este e todos os mundos posibles.
18:00h. Cine: Buscando a Dory (2016) Duración: 103 min / Proxección a cargo do Cineclube Pontevedra
Dory é un peixe cirurxián cunha irresistible personalidade. Sofre perdas de memoria a curto prazo, o que non adoita influír no seu bo humor e felicidade… Ata que se decata de que esqueceu algo ben importante: a súa familia!
18:30h. Teatro: Óscar el niño dormido / El Espejo Negro / Premio FETEN 2016 ao mellor espectáculo de gran formato
Esta é a historia de Óscar, un neno que quedou mergullado nun longo e profundo sono. Un durmir que o levou a estar ensoñando nove meses, con todos os seus días e noites, minutos e horas sen poder moverse. Unha mañá fría de inverno algo extraordinario sucedeu, e Óscar primeiro abriu un ollo, e logo os dous, bocexou e espertou… Dedicado a todos/as os/as que xa espertaron e os/as que están por espertar.
18:30h. Obradoiro: Diversos e diversas / Sandra Prado Ansín – Nova Xestión Cultural
Taller con especial sensibilidade cara a diversidade sexual e afectiva dirixido ao público infantil complementado con dinámicas e xogos.
LUNS 20 de marzo de 2017
17:30h. Obradoiro: Casas Sostibles / Taller Abierto
Coñece as estratexias da arquitectura bioclimática e constrúe a túa casa poñendo en valor xeitos de vida sensibles co hábitat aproveitando os recursos naturais para diminuír os impactos ambientais e tentando reducir os consumos de enerxía.
18:00h. Contacontos: Unha porta á prehistoria / Unidade de Cultura Ciéntifica CSIC Galicia
Imaxinade que Escaquis abre unha porta á prehistoria. Dentro todo é moi diferente e xusto diante deles hai unha nena buscando unha cunca. Os/as asistentes a este contacontos terán que acompañar a cativa durante o proceso de fabricación dunha nova e aprenderán como era a vida hai 6.000 anos.
18:00h. Música: Cancións para un mundo mellor / Coro de Grao Elemental CMUS Manuel Quiroga
Cantaremos un grupo de cancións que levan a mensaxe de facer un mundo mellor, tratando diferentes temáticas.
MARTES 21 de marzo de 2017
17:30h. Obradoiro: Cando as palabras soan coas mans / Verónica Moreira (especialista en linguaxe de signos) Nova Xestión Cultural
Aprende a falar coas mans! Taller de introdución á linguaxe de signos cun formato dinámico e entretido.
18:00h. Contacontos: Maleta Vella, Mundo Novo / Brais das Hortas
A historia dunha neta e un avó e os soños que este gardou nunha maleta. Contos de vacas que están de parto, de osos que non meten tanto medo, do longo camiño ata chegar ao lume. Todo con música en directo con frautas, percusión de refugallo e outros instrumentos feitos con elementos cotiáns.
18:30h. Teatro/Música: Invención / Odaiko
Espectáculo escénico-musical no que a imaxinación, o humor e a creatividade se presentan como pezas fundamentais para a creación de novos obxectos e para dar solución aos problemas. A mensaxe que transmiten as invencións de Odaiko é que o tempo futuro é un reflexo do pasado e, polo tanto, a conexión e o equilibrio entre a tradición e a modernidade é o presente.
MÉRCORES 22 de marzo de 2017
17:30h. Obradoiro: A ruta da mámoa / UCC CSIC e INCIPIT
Atréveste a xogar coa tua familia á prehistoria? Antes de comezar recibiredes o atrezzo e as ferramentas que vos identifiquen. Logo haberá que avanzar no taboleiro, respostando correctamente unha serie de preguntas. Traballo en equipo, diversión e prehistoria… Quen se atreve?
18:00h. Contacontos: Estrafalaria / Cía Xarope Tulú
Alicia collera por costume escorregar por calquera buraco, sen importarlle o profundo, escuro ou sinuoso que fose. A Carlota, déraselle por escoller o seu camiño e embarcarse en aventuras emocionantes que nada tiñan que ver coas dunha princesa. A avoa e papá dicían que as miñas amigas eran estrañas. Mais eu sempre pensei que iso de ser estraña é moi relativo. Que dis, apetéceche escoitar as nosas rarezas?
18:30h. Teatro/Música: Invención / Odaiko
Espectáculo escénico-musical no que a imaxinación, o humor e a creatividade se presentan como pezas fundamentais para a creación de novos obxectos e para dar solución aos problemas. A mensaxe que transmiten as Invencións de Odaiko é que o futuro é un reflexo do pasado e, polo tanto, a conexión e o equilibrio entre a tradición e a modernidade é o presente.
XOVES 23 de marzo de 2017
17:30h. Obradoiro de teatros de papel / Juste Kamishibai, papel e teatro
A partir da ilustración, da manipulación do papel, da imaxinación, da creatividade e o intercambio de ideas, a rapazada creará escenarios, fondos, personaxes e a estrutura dun teatro no que cobrarán vida os seus contos e historias.
18:00h. Contacontos: Un mundo cheo de contos / Bea Campos e Davide González
Divertida sesión na que se integran música en directo, literatura infantil e expresión dramática. Un mundo de sementes máxicas, árbores xenerosas e nenas curiosas. Un espazo onde gozar en familia de historias para coidar da terra e das persoas que habitan nela.
18:30h. Conto musicado: Peer Gyt / Banda de Música de Pontevedra e Viravolta Títeres
Adaptación do clásico de Henrik Ibsen con música de Edwar Grieg que narra as aventuras de Peer Gynt, un mozo fantasioso e un pouco preguiceiro que quere deixar a súa aldea para facerse rico e converterse no “Rei do Mundo”.
VENRES 24 de marzo de 2017
17:30h. Obradoiro: Descobre o Salón en cadeira de rodas / Francisco Javier Carreira Roca e Victoria Romero Pazos. Nova Xestión Cultural
Un percorrido polo Pazo da Cultura en cadeira de rodas, coa finalidade de descubrir que é a accesibilidade e sensibilizar os/as asistentes sobre a situación das persoas que viven con mobilidade reducida.
17:30h. Obradoiro: Infindo o Mar / Taller Abierto
Un mergullo creativo de nomes, formas e cores no fondo do mar que nos lembra a importancia do coidado dos fondos mariños…
18:00h. Contacontos: Historia dunha lata / Nate Borrajo
Despois de usar os chícharos ou o tomate, podemos converter esa lata no que queiramos. A reciclaxe e a nosa imaxinación fai que lle poidamos dar novos usos a unha lata baleira. A
historia dunha lata calquera conta as aventuras polas que pasa un bote de latón desde a despensa ata converterse na gardiá de tesouros na casa.
18:00h. Contacontos: Arte e natureza na ría de Pontevedra / Alumnado do IES Mestre Landín
Reflexionaremos sobre a loita entre a natureza e a industrialización cunha “performance” con vídeo música coreografía e debuxo no paso do tempo.
19:00h. Charla: Sacarlles a lingua é de mala educación / Manuel Núñez Singala. Editorial Galaxia
Tanto nós coma os/as nosos/as fillos e fillas, temos a sorte de vivir nun territorio no que conviven varias linguas. E iso, antes que nada, é unha oportunidade para asegurar a competencia en, polo menos, os dous idiomas oficiais de Galicia. Nesta charla veremos as razóns e estratexias para levalo a cabo da
mellor maneira.
21.00h. Teatro: Normas para saber vivir na sociedade actual / Sarabela Teatro
Unha crítica irónica e musical dunha sociedade que, coas súas normas e costumes, obríganos a apartarnos dos sentimentos máis humanos. “Nacer non é complicado, morrer é moi doado. Vivir entre estes dous acontecementos non é necesariamente imposible”
SÁBADO 25 de marzo de 2017
11:00h. Obradoiro: Debuxando a cegas o mundo que queremos / Paspallás. Asociación Socioeducativa e Cultural e Escola de Tempo Libre
Imos debuxar a cegas a partir de obxectos que tocamos, para logo identificar as formas e as palabras, creando un xogo de adiviñanza a través da expresión plástica.
11:00h. Construíndo un mundo mellor / Román Corbato, arquitecto e artista
Durante todo o Salón iremos construíndo un muro de caixas de cartón -aplicando coñecementos básicos de arquitectura e construción-, sobre o que escribiremos e debuxaremos os nosos desexos -empregando distintas técnicas de arte urbano- para construír o mellor mundo posible.
11:30, 13:00 e 18:00h. Teatro: Conchas / D’orfeu AC– Marionetas de Mandrágora – Franziska Aarflot
Coprodución internacional para bebés que parte da memoria colectiva de Portugal e Noruega, onde se fusionan música, expresión dramática e corporal, o movemento e os títeres.
Un espectáculo non verbal que conta a historia de viaxantes pintados na tea, reais e imaxinarios, para bebés e as súas familias.
11:30h. Obradoiro: Cóntame un cadro / Taller Abierto
Actividade de análise dos valores que agochan as obras de arte, invitando á posta en común entre maiores e menores sobre os sentimentos e os principios sociais e humanos que fan mellorar o mundo.
12:00h. Contacontos: Carola a carteira Centola / Polo Correo do Vento
Un reino debaixo do mar, onde estaba prohibido cantar, bailar e tocar instrumentos.
Todo o día: Contacontos: A música da auga / Servando Barreiro (músico) e Anxo Moure (contacontos)
Actividade animación itinerante, cun acordeonista e un contacontos dentro, cantando e contando historias que coidan os mares mentres pasean nenas e nenos dentro da réplica dunha gamela (construída en madeira con vela, timón e rodas). Inclúe sesións de contos e música, con proxección dos fondos mariños das Illas Ons.
17:30h. Obradoiro científico: A horta prehistórica / UCC CSIC e INCIPIT
Escoitaches algunha vez falar da domesticación das prantas? Sabes a innovación tecnolóxica que supuxo para a humanidade a agricultura? Atréveste a facer moenda cun muíño prehistórico? Os participantes neste obradoiro poderán experimentar con diversas ferramentas do pasado e levar para casa unha bolsa de fariña feita por eles mesmos!
17:30h. Obradoiro: Creando un mundo de BD / Fonso Barreiro
Taller de creación de personaxes a partir do libro “Curuxa, a voz de Azazel”, editado por Retranca Editora.
18:00h. Contacontos: Maruja Mallo e as misións pedagóxicas / Polo Correo do Vento
Unha homenaxe á artista Maruja Mallo. A arte, a liberdade, o gusto pola lectura, viaxes, educación democrática.
18:00h. Contacontos: Tirando do fío / Fátima Villamel
Sesión para descubrir as historias que están nas nosas mans, nas orellas, nos beizos, no ar, nos libros, a viaxar a lugares remotos, a divertirse, a xogar… Atréveste a tirar do fío?
18:30h. Música: Cousas de Papá / Héctor Lorenzo
Música e poesía para xogar cos versos. Historias de un pai divertido e cantareiro que, coas suas cancións achéganos a un mundo de imaxinación e fantasía. Editorial Xerais.
DOMINGO 26 de marzo de 2017
11:30h. Obradoiro: Conizudos / Anxo García e Antón Iglesias (viravolta Enredos)
Construiremos cabezudos cheos de cor aos que lle teremos que pór nariz, boca, ollos, cabelo… todo o que imaxinedes pero empregando só papel e cartón! Entre todos reflexionaremos sobre o papel, a función das árbores no medio ambiente, a importancia do seu coidado e conservación e os 3R: Reducir o consumo de papel- Reutilizar o papel- Reciclar sempre! O papel.
11:30 e 17:30h. Obradoiro: Con que queres encher a túa cabeza? / Mr Xestión Cultural
Reflexionaremos sobre que é o que queremos ter na nosa cabeza. O resultado será un sombreiro conceptual que construiremos facendo papiroflexia.
12:00h. Roteiro da sacola verde / MaOs Innovación Social
Partindo do Salón do Libro realizarase unha pequena ruta pola Illa das Esculturas durante a cal se farán actividades ao redor de álbums ilustrados infantís e xuvenís con contidos relacionados co medio ambiente e o xénero.
12:00h. Contacontos: Carola a carteira Centola / Polo Correo do Vento
Un reino debaixo do mar, onde estaba prohibido cantar, bailar e tocar instrumentos.
12:00 e 18:30h. Música: Brinca Vai! De aquí a acolá / Paco Nogueiras
Espectáculo baseado no libro-cd-dvd “Brinca Vai!”, de Kalandraka Editora, no que se combinan animacións e interpretacións cos ritmos e rexistros máis divertidos, nunha fantástica viaxe chea de humor, bailes e cancións.
12:30h. Obradoiro:Familias globais. Da foto 360 a memoria / Ceo Aberto
Hoxe en día a tecnoloxía avanza a un ritmo vertixinoso. E ademais, cada vez é máis sinxelo aprender a utilizala. Trae o teu móbil e ensinarémosche a crear imaxes de 360º e a visualizalas en 3D e engadirlles música e información. Crea momentos máxicos e recordos inesquecibles para os teus seres queridos grazas as novas tecnoloxías. Non se precisa ningún coñecemento previo.
17:00h. Contacontos: Ciclobiblioteca, pedaleando polas páxinas dos libros que coidan da terra / Anxo Moure
Promovendo unha aposta pola mobiblidade na cidade, polo uso da bicicleta como alternativa de transporte para frear o cambio climatico, un ciclobibliotecario pedalea polo Salón nun ciclocarro holandés cargado con libros sobre o coidado da terra facendo altos para a lectura compartida.
17:30h. Contacontos: Bicos con leite / Charo Pita
Contos e cancións para os/as máis pequenos/as narrados con efectos sonoros, xogos corporais, onomatopeias e libros de imaxes. Para escoitar á calor dunha aperta.
17:30h. Obradoiro: Debuxando con pedras / Kiko da Silva
A partir de pedras ensinarémoslle ás crianzas a crear imaxes e personaxes. Trátase de ensinar que debuxar é aprender a observar a natureza e os obxectos que nos rodean.
18:00h. Contacontos: Maruja Mallo e as misións pedagóxicas / Polo Correo do Vento
Unha homenaxe á artista Maruja Mallo. A arte, a liberdade, o gusto pola lectura, viaxes, educación democrática.
18:30h. Obradoiro: A ruta da mámoa / UCC CSIC e INCIPIT
Atréveste a xogar coa tua familia á prehistoria? Antes de comezar recibiredes o atrezzo e as ferramentas que vos identifiquen. Logo haberá que avanzar no taboleiro, respostando correctamente unha serie de preguntas. Traballo en equipo, diversión e prehistoria… Quen se atreve?
LUNS 27 de marzo de 2017
17:30h. Obradoiro: Apalpando a ciencia / UCC CSIC – IIM
Achégasevos a este obradoiro inclusivo onde poderedes aprender ciencia mariña empregando só 4 dos 5 sentidos. Todas as explicacións serán en linguaxe de signos. Atrevédesvos a apalpar a ciencia?
18:00h. Contacontos: Mestra, mestre: Que contos me contas ti? / Alumnado Fac. Ciencias da Educación de Ourense. Universidade de Vigo
Os futuros mestres e mestras contarán catro contos: dous a partir de álbums ilustrados, destinados a nenas e nenos de Educación Infantil, e outros dous baseados en contos de escritores clásicos da nosa literatura, para alumnado de Educación Primaria.
MARTES 28 de marzo de 2017
17:30h. Obradoiro ciencia-arte: Construíndo o mundo que queremos / UCC CSIC Galicia
A sobrepesca, os lumes e a desaparición das especies son algúns dos problemas medio-ambientais que temos ao redor. ¿Gustaríavos cambiar estas situacións? Os participantes neste obradoiro de ciencia e arte, elaborarán o seu propio caderno de campo co mundo que queremos. Animádevos, xuntos podemos cambiar as cousas!
18:00h. Contacontos: A saúde afectiva / Trinke Trinke
Unha boa saúde afectiva é básica para o benestar e o desenvolvemento da persoa. Tamén é importante para previr comportamentos violentos e para saber detectar relacións insás. Isto sábeo ben a ratiña Carolina de Lonxedetodo, que ten cousas moi interesantes para contarnos hoxe.
18:30h. Teatro: Pum Pum (Estrea) / Baobab Teatro
Marieta é unha nena coma calquera nena de 6 anos. Ela está rodeada de portas, portas que se abren e contan historias, historias que teñen música e cantan cando Marieta quere pero Marieta ten unha porta que garda un segredo que nunca contou e que ninguén escoitou… Pum Pum é un espectáculo tenro que fala de historias cotiáns que lles pasan aos/ás nenos/as, pero tamén traslada unha mensaxe moi clara: Desde moi pequenos/as teñen que saber que ninguén pode obrigarlles a facer cousas que non queren.
MÉRCORES 29 de marzo de 2017
17:30h. Obradoiro: Diversos e diversas / Sandra Prado Ansín – Nova Xestión Cultural
Sesión con especial sensibilidade cara a diversidade sexual e afectiva para o público infantil con dinámicas e xogos.
18:00h. Contacontos: Funámbulus / Baby Band de Cornelia Craft
Conto musicado baseado no conto orixinal de Álex Tovar. Fabulosa metáfora sobre o día a día e os soños que nos fai entender que pese aos medos e as dificultades o importante na vida é seguir camiñando, aínda que sexa por un fío e mantendo o equilibrio.
18:30h. Teatro: Pum Pum (Estrea) / Baobab Teatro
Marieta é unha nena coma calquera nena de 6 anos. Ela está rodeada de portas, portas que se abren e contan historias, historias que teñen música e cantan cando Marieta quere pero Marieta ten unha porta que garda un segredo que nunca contou e que ninguén escoitou… Pum Pum é un espectáculo tenro que fala de historias cotiáns que lles pasan aos/ás nenos/as, pero tamén traslada unha mensaxe moi clara: Desde moi pequenos/as teñen que saber que ninguén pode obrigarlles a facer cousas que non queren.
XOVES 30 de marzo de 2017
17:30h. Obradoiro: Novas na terra / Taller Abierto
Actividade plástica de ilustración que recolle as mellores novas en relación coa ecoloxía e o patrimonio natural, así coma actividades humanas solidarias en todos os ámbitos do mundo que queremos: medio ambiente, saúde, igualdade, integración, accesibilidade, investigación…
18:00h. Contacontos: Un mundo redondo para contar contos / Andrea Bayer (Baobab Teatro)
Para mudar o mundo é preciso escoitar historias e contos de aquí e de máis alá, historias de animais pequenos con grandes desexos, contos de viaxes sen equipaxes. Andrea ea, ea, ea será quen de levarnos de viaxe sen movernos do sitio a lugares lonxanos e non tan afastados. Sesión de contos de a partir de 3 anos.
VENRES 31 de marzo de 2017
17:30h. Obradoiro: Investigamos? / Ceo Aberto
Escaquis non se atopa do todo ben e non sabemos que lle pasou. Só que hai algo que tocou ou comeu que lle afecta.
Axúdasnos a curalo? Como investigadores que somos, imos pescudar seguindo o método científico. Para determinar que pasou, faremos cromatografías de doces, estudaremos imaxes microscópicas e analizaremos os restos do seu almorzo en busca de datos que nos permitan axudar ao noso amigo.
18:00h. Contacontos: Bailar nas nubes / Sole Felloza
“Unha maña a casa de Mariña, está máis lonxe do chan e máis preto do ceo. De veciñas cantareiras de cores extraños, mariñeiros intrépidos, facedores de papaventos, irmáns rebuldeiros, osos irados e mil cousas máis van os contos que despois de escoitar farán que ti tamén bailes nas nubes”.
18:30h. Teatro: Lunaticus Circus / Teatro Paraíso.
Premio FETÉN 2016 á mellor escenografía.
Hai algún tempo os Ogros inventaron unha terrible mentira para que as súas montañas de ouro seguisen medrando: Prometeron descolgar a lúa para despois vendela en porcións á xente. Todos/as lles creron e non dubidaron en vender as súas casas, toda as súas pertenzas… ata a comida para conseguir a súa porción de lúa. Agora todo o mundo ten fame, moita fame e débedas, moitas débedas… Son os tempos da Gran Escaseza.
SÁBADO 1 de abril de 2017
11:00 e 17:00h. Obradoiro: Laboratorio de luz, cor e reflexos / Marexada e Mr Xestión Cultural
Baseándonos na filosofía de Reggio Emilia, creamos un laboratorio de luz, cor e reflexos. Experimentaremos en familia coas mesas de luz, mesas de espello, e moitos materiais sensoriais!
11:00h. Construíndo un mundo mellor / Román Corbato, arquitecto e artista
Durante todo o Salón iremos construíndo un muro de caixas de cartón -aplicando coñecementos básicos de arquitectura e construción-, sobre o que escribiremos e debuxaremos os nosos desexos -empregando distintas técnicas de arte urbano- para construír o mellor mundo posible.
11:30, 13:00 e 18:00h. Obradoiro: Percubebés, veu por aquí, marchou por alá / Marcelo Dobode e Beatriz Martínez
Taller familiar de música e percusión.
12:00h. Presentación de:“Meiga nova, metade anxo, metade marisco. Unha pequena biografía de Maruja Mallo” / Polo Correo do Vento
Presentación do libro e actividade de contacontos ilustrado.
12:30h. Obradoiro: Apalpando a ciencia / UCC CSIC – IIM
Achégasevos a este obradoiro inclusivo onde poderedes aprender ciencia mariña empregando só 4 dos 5 sentidos. Todas as explicacións serán en linguaxe de signos. ¿Vos atrevedes a apalpar a ciencia?
17:30h. Obradoiro: Fogares de Cartón / Colectivo Os Ninguéns – Nova Xestión Cultural
Construción de casas de cartón mentres se debate sobre a vida das persoas sen fogar e se ubican nun mapa de Pontevedra. Que farías ti? Como cres que chegaron ata esa situación? Onde viven?
18:30h. Contacontos: Diversidade sen barreiras / Charo Pita
Historias que falan da diferenza poñéndoa en valor. Contos onde a cegueira, unha cadeira de rodas ou a vellez non son barreiras senón que forman parte da vida cotiá e se integran naturalmente no discorrer dos días potenciando a imaxinación e a maneira de mirar, recrear e inventar este e todos os mundos posibles.
18:30h. Música: A gramola gominola (Estrea)
Presentación do novo libro/cd, editado por Galaxia. Rock en galego para público familiar.
Finalistas nos premios Martín Códax da Música 2016.
DOMINGO 2 de abril de 2017
11:00h. Obradoiro: Laboratorio de luz, cor e reflexos / Marexada e Mr Xestión Cultural
Baseándonos na filosofía de Reggio Emilia, creamos un laboratorio de luz, cor e reflexos. Experimentaremos en familia coas mesas de luz, mesas
Fecha: 10/03/2017 00:00 - 2/04/2017 12:00